Nanatiling Matatag ang AUDUSD Dahil sa Iniulat na Pinakamataas na Lebel ng Inflation mula Nobyembre

Tumaas ang Inflation Rate: Sa kabila ng inilabas na ulat noong Martes tungkol sa mas mahinang retail sales kaysa sa inaasahan, at sa inilabas na ulat ngayong araw tungkol sa mas mataas na inflation kaysa sa inaasahan, hindi pa rin nagbago ang Australian dollar mula noong Lunes. Ayon sa datos, tumaas ng 3.6% year-on-year nitong Abril ang inflation ng Australia, na mas mataas kumpara sa 3.5% noong Marso. Lagpas ito sa inaasahan ng market na babagal ito patungong 3.4%, kaya minamarkahan nito ang pinakamataas na lebel na naabot simula noong Nobyembre.  

Implikasyon para sa Reserve Bank of Australia: Ito na ang pangalawang sunod na taon na bumilis ang CPI at lumagpas ito sa tinatayang lebel, kaya pwede nitong udyukin ang RBA na ipagpaliban pa ang rate cuts. Bagamat lubos na nababaan ng RBA ang inflation, malaking hamon pa rin ang pag-abot sa target nito na 2-3%. Inaasahan ng bangko sentral na hindi bababa ang inflation papunta sa target na halaga hanggang sa huling bahagi ng 2025.

Rate Hikes ng RBA: Mula Mayo 2022, nagtaas ng 425 pasis points ang RBA tungo sa 12-taong high na 4.35%. Hininto nito ang rate hikes sa apat na magkasunod na pulong simula noong Nobyembre dahil sa pag-iingat ng mga konsyumer sa gastos at bumabagal na ekonomiya. Patuloy na pinapakaba ng RBA ang market dahil wala itong tiyak na paninindigan tungkol sa anumang pagbabago sa pamamalakad.

Ang Inaasahan ng Market sa Pamamalakad ng RBA: Kasalukuyang inaasahan ng market na pananatilihin ng RBA ang mas mataas na rates sa mas mahabang panahon. Ayon sa pinakabagong pulong ng RBA, isinaalang-alang ng board na itaas ang rates ngayong Mayo, pero sa huli nagdesisyon itong panatilihin ang kasalukuyang patakaran. Kinilala nila na mahirap hulaan ang magiging pagbabago sa cash rate sa hinaharap dahil ayon sa pinakabagong datos, tumaas ang risk ng mas mataas na inflation sa mas mahabang panahon.

Pagtutok ng Market sa Ulat sa Inflation sa US: Ang pangunahing kaganapan ngayong linggo ay ang US core Personal Consumption Expenditures (PCE) price index na ilalabas sa Biyernes, na siyang napiling panukat ng Federal Reserve pagdating sa inflation. Inaasahang hindi ito magbabago kumpara sa nakaraang buwan. Kapag may matinding sorpresa sa datos, malamang na magdulot ito ng panibagong pagtaas-baba sa AUDUSD.

• 0
• 0