Nagbago ang Kilos ang Fed: Nakaambang Rate Cuts sa Gitna ng Paghina ng Inflation  

Nakaambang ipatupad ng Federal Reserve ang una nitong interest rate cut sa ‘sing aga ng susunod na buwan dahil sa bumabagal na inflation at umuusbong na pag-aalala tungkol sa labor market. Hindi nagbago noong Hulyo sa 2.5% ang pagtaas ng Personal Consumption Expenditures (PCE) price index, na kaparehas ng numero noong Hunyo, kaya malinaw na nababawasan ang pwersa ng inflation. Dahil sa pagbaliktad ng takbo ng ekonomiya, nahihikayat ang Fed na palitan ang paninindigan nito hinggil sa paglaban sa inflation, at lumipat sa mga patakaran na naglalayong suportahan ang labor market, na pangunahing tinututukan ngayon kaugnay ng magiging pagpapatakbo ng Fed. Habang nagpapahiwatig ang Fed Chair na si Jerome Powell sa posibilidad ng rate cuts, kritikal ang ilalabas na datos sa employment at consumer price index para hubugin ang susunod na galaw ng bangko sentral.

Ayon sa Reuters, malaki ang tyansa na ipatupad ng Federal Reserve ang una nitong interest rate cut sa susunod na buwan habang patuloy na bumabagal ang inflation. Tumaas ng 2.5% noong Hulyo ang Personal Consumption Expenditures (PCE) price index, na kaparehas ng pagtaas noong Hunyo at nagpapahiwatig na humihina na ang inflation. Sinusuportahan nitong trend ang pagbaliktad ng paninindigan ng Fed na labanan ang inflation, at sa halip ay iwasan na lang ang higit pang paghina ng labor market. Sumenyas ang Fed Chair na si Jerome Powell na handa nang magpatupad ng rate cuts, kung saan inaasahan ang 0.25 percentage point na pagbabawas sa Setyembre at mas mataas pang pagbaba kinalaunan. Sinusubaybayan na ngayon ang nalalapit na datos sa employment at consumer price index, na makakaimpluwensya sa pagdedesisyon ng Fed.

Lumago ang ekonomiya ng US sa binagong taunang halaga na 3% noong Q2 2024, na resulta ng hindi inaasahang malakas na paggastos ng mga konsuymer. Ang numerong ito ay binago pataas mula sa pangunang tantya na 2.8%, at sumasalamin sa mas matatag na lagay ng ekonomiya, kung saan kapansin-pansin ang lakas ng personal na paggastos. Napanatili rin ang paglago sa Gross Domestic Income. Bagamat bumagal nang bahagya mula highs noong huling bahagi ng 2023, inaasahang babawasan ng Federal Reserve ang interest rates, na pwedeng makapagtulak sa mahahalagang sektor tulad ng pabahay at manufacturing.

Sa huling bahagi ng Agosto 2024, makikita ang bahagyang pagbabago sa unemployment ng US, kung saan bumaba nang kaunti ang pangunang claims at nanatiling matatag sa 1.2% ang insured unemployment rate. Mas mababa rin ang apat na linggong average ng claims, na sumesenyas ng patuloy na lakas ng labor market. Sa kabila ng kaunting pagtaas-baba kada estado, nanatiling hindi nagbago ang mas malawak na lagay ng jobless benefits, na sumasalamin sa katatagan ng mga trabaho sa buong bansa.

Pagkatapos ng inaasahang rate cuts na resulta ng humihinang inflation at pangangailangan na pangalagaan ang mga trabaho, makikita na umaangkop ang Fed sa nagbabago-bagong lagay ng ekonomiya. Bagamat nakapagbigay ng katatagan sa ekonomiya ang matinding paggastos ng mga konsyumer at malakas na job market, kritikal pa rin ang mga ilalabas na datos para matukoy ang hangganan ng magiging aksyon ng Fed. Habang tinatahak ng mga mambabatas ang naturang pagbabago, huhubugin ng kanilang desisyon ang takbo ng mahahalagang sektor, na may layong panatilihin ang paglago habang tinutugunan ang mga umuusbong na risk.