Opisyal nang natapos ang iFX EXPO Asia 2024, at ramdam pa rin namin ang tuwa at karangalan dahil dito. Bilang Opisyal na Global Partner nitong event, nagkaroon kami ng pambihirang pagkakataon para makilala ang marami sa inyo, at walang makakapantay sa pagpapasalamat namin sa inyong suporta at pagtangkilik. Heto ang ilan sa mga nangyari at lahat ng kapana-panabik na bagay na naganap!
Talagang pinuntahan sa expo ang booth #2, at tuwang-tuwa kaming salubungin ang marami sa inyo dito. Mula sa pagbabalita ng mga pinakabagong kaganapan, hanggang sa pakikihalubilo sa mga partner at pakikipag-collaborate sa maraming tao, tunay na napakasaya ng kapaligiran! Salamat sa lahat ng bumisita dahil kayo ang dahilan kung bakit di namin ‘to malilimutan!
Patok na patok ang mga talumpati namin kaya ipinagmamalaki namin ang buong team! Nagbigay ng makapangyarihang keynote speech ang COO namin na si Mr. Stathis Kyriakides, at isang karangalan na maging sorpresang panauhin si Rory Keelan, ang kapatid ni Brian Keelan na isa sa mga nagtatag ng CFDs. Nakakabilib ang mga pananaw na ibinahagi nila, na tinutukan ng lahat ng pumunta, at nagtulak para magkaroon ng masiglang talakayan na nagpatuloy pagkatapos ng sesyon.
Hindi lang doon natatapos ang lahat! Gusto rin naming pasalamatan ang aming Global Head of Business Development na si Mr. Sherwan Zeybo, dahil sa napakahusay na pagganap niya bilang panelista sa Idea Hub. Tunay na nakakamulat ang mga pananaw niya sa IBs at mga komunidad, at tuwang-tuwa kaming makita na punong-puno ang sesyong ito!
Tuwang-tuwa kaming ianunsyo na pinarangalan ang FXGT.com sa event na ‘to bilang Best Trading Conditions APAC! Isa itong malaking tagumpay para sa amin, at sumasalamin ito sa walang-kupas na pangako namin na makapagbigay ng napakahusay na kondisyon sa lahat ng kliyente na nasa rehiyon ng APAC. Salamat sa lahat ng tumulong para maabot namin ito!
Bukod sa pagiging pinakamalaking booth, kami din ang nagbigay ng pinakamagandang papremyo! Salamat sa lahat ng sumali sa enggrandeng giveaway. Magaganda ang lahat ng ipinamigay, kabilang na ang pinakamalaking papremyo na bakasyon para sa dalawang tao. Binabati namin ang mga maswerteng nanalo! Umaasa kami na naghihintay sa inyo ang di malilimutang karanasan!
Nasasabik na kami sa susunod na expo at di na kami makapaghintay sa mga mangyayari sa hinaharap.
Isang malaking pasasalamat sa lahat ng sumuporta sa’min sa event na ‘to. Hindi namin ito magagawa kung wala ang labis na pagsisikap at dedikasyon ng aming team, pati ang pagtangkilik ng bawat isa sa inyo!
Abangan ang mga kapana-panabik na update ng FXGT.com dahil nagsisimula pa lang kami! Magkita-kita tayo sa susunod na event!
Hanggang sa susunod, Thailand!
