Mga Magpapagalaw sa Market: Rate Cut ng ECB, Datos sa US, at Bearish na Pananaw sa EURUSD

Kung sakaling mapapanatili ng mga nagbebenta ang kontrol nila sa market, maaaring isaalang-alang ng traders ang apat na potensyal na support levels sa ibaba:
1.09470: Ang unang target na presyo ay natukoy sa 1.09470, na tumutugma sa peak na naitala noong Hulyo 17 at 161.8% Fibonacci extension na ginuhit mula sa swing low na 1.10251 papunta sa swing high na 1.11539.
1.08908: Ang ikalawang support ay namataan sa 1.08908, na kumakatawan sa lingguhang support (S3) na nakalkula gamit ang standard Pivot Point method.
1.08167: Ang ikatlong support line ay naitala sa 1.08167, na sumasalamin sa 261.8% Fibonacci extension na ginuhit mula sa swing low na 1.10251 papunta sa swing high na 1.11539.
1.06651: May isa pang dagdag na pababang target na naobserbahan sa 1.06651, na sumasalamin sa trough na naitala noong Hunyo 26.

Ngayong araw, inaasahan na bababaan ng European Central Bank (ECB) ang interest rates ng 25 basis points patungong 3.5%, na magiging pangalawang pagbabawas ngayong taon pagkatapos itong mahinto noong Hulyo. Bagamat bumaba sa 2.2% ang inflation sa eurozone, nananatiling mataas sa 2.8% ang core inflation, lalo na sa sektor ng mga serbisyo, dahil sa pagtaas ng sahod. Patuloy na nag-aalala ang mga opisyal ng ECB dahil sa tuloy-tuloy na inflation, partikular na sa mga serbisyo, kaya nag-aalangan sila na ibunyag ang plano sa magiging pagbabawas ng rates sa hinaharap.

Maaaring makapagbigay ng higit na pananaw ang pangulo ng ECB na si Christine Lagarde, pero hinuhulaan ng mga analyst na kaunti lang ang maibibigay niyang gabay tungkol sa magiging kilos sa hinaharap. Bagamat may ilan na nag-aabang ng higit pang rate cuts bago mag Disyembre, kung saan potensyal na bumaba patungong 2.5% ang rates pagdating ng susunod na taon, nagbabala ang mga hawkish na miyembro tulad nila Isabel Schnabel at Joachim Nagel laban sa mabilis na pagbabawas ng rates bago makontrol nang lubusan ang inflation. Isa pang pag-aalangan ang paglago ng ekonomiya, kung saan nakikita sa bagong datos ang pagbagal ng momentum.

Maaaring makaimpluwensya sa desisyon ng ECB ang nalalapit na rate cuts ng US Federal Reserve, na pwedeng magtulak sa mas mataas na rate cut sa Oktubre kung lalakas ang euro laban sa dolyar. Kaya lang, nananatiling malaking hamon ang kaakibat na inflation at nagmamahal na presyo ng mga serbisyo para sa pangmatagalang pamamalakad ng ECB.

Sa pangkalahatan, kritikal sa paghubog ng takbo ng market ang mga pangyayari sa ekonomiya ngayong araw, lalo na ang inaasahang rate cut ng ECB at mahahalagang datos sa ekonomiya ng US. Nagpapahiwatig ng higit pang pagbaba ang bearish na pananaw para sa EURUSD, na sinusuportahan ng mga technical indicator at pattern sa chart. Habang tinatahak ng ECB ang tuloy-tuloy na inflation at pagbagal ng paglago ng ekonomiya, kasabay ng nalalapit na desisyon sa rates ng US Federal Reserve, masusing susubaybayan ng market kung paano maiimpluwensyahan nitong mga aspeto ang magiging pamamalakad at galaw ng presyo sa hinaharap.