Mag-trade Parang Isang Pro: 5 sa Pinakasikat na Estratehiya sa Pag-trade

Hindi maikakaila ang kahalagahan ng matibay na estratehiya sa pag-trade, lalo na sa pabago-bagong mundo ng financial markets. Nakakapagbigay ang matatag na estratehiya ng maayos na pamamaraan para kumita sa paggalaw ng market, mas mababang emosyonal na pagdedesisyon, at malinaw na pamantayan sa pagpasok at paglabas sa trades. Dahil sa napakaraming klase nito, makakatulong ang 5 sa pinakasikat na estratehiya para sa mga baguhan at beteranong traders upang maabot nila ang layunin nila sa pag-i-invest.

Ang day trading ay ang pagbili at pagbenta ng financial instruments sa loob ng kaparehong trading day. Mapagkakakitaan ng traders ang maliliit na paggalaw ng presyo, at pwede nilang i-leverage ang positions nila para palakihin ang kita. Ang ganitong paraan ay nangangailangan ng masusing pag-unawa sa trends, kakayahang agad na tumugon sa balita, at mahigpit na disiplina sa pamamahala ng risk. Kadalasang gumagamit ng technical analysis ang mga day trader at real-time na charts para makagawa ng wais na desisyon, at sinisigurado nilang i-close ang lahat ng position sa pagtatapos ng trading day para maiwasan ang risk sa pagbabago-bago ng market sa loob ng magdamagan.

Ang swing trading ay idinisenyo para sa mga gustong kumita mula sa “pag-swing” ng presyo o pagtaas-baba na kalimitang nararanasan ng market sa loob ng ilang araw o ilang linggo. Di tulad ng day traders, mas mahaba ang pasensya ng swing traders, dahil hinahawakan nila ang kanilang mga position para matiyempuhan ang malalaking paggalaw ng presyo. Ang estratehiyang ito ay nangangailangan ng pag-unawa sa momentum ng market, kakayahang tukuyin ang mga “swing high” at “swing low,” at ang pasensya na hintayin ang pinakamagandang pagkakataon para pumasok o lumabas sa trades. Kadalasang pinaghahalo ng swing traders ang technical analysis at fundamental na pananaw sa market para pagandahin pa ang estratehiya nila.

Ang algorithmic trading ay isa sa pinakamagagandang estratehiya na gumagamit ng computer algorithm para mag-execute ng trades sa napakabilis at napakataas na volume, batay sa mga itinakdang pamantayan. Maaaring tumukoy ang paraang ito sa mga simpleng awtomatikong estratehiya, tulad ng moving average crossovers, hanggang sa mga kumplikadong estratehiya na nangangailangan ng napakalakas na computer. Binababaan ng algorithmic trading ang epekto ng emosyon sa pagdedesisyon, nag-e-execute ito ng trades sa pinakamagandang presyo, at ginagawa nitong maayos at tumpak ang mga trade.

Isang kilalang estratehiya ang pagsunod sa trend, kung saan tinutukoy at sinusundan ng traders ang mga trend sa market. Naniniwala ang mga gumagamit nito na “kaibigan mo ang trend,” at sa pamamagitan ng pagtutugma ng kanilang trades sa direksyon ng market (pataas man ito o pababa), masasamantala nila ang kita habang binababaan ang mga risk. Nangangailangan ng disiplina ang estratehiyang ito, dahil kailangang layuan ng traders ang tukso na mag-trade laban sa trend, at kailangan nila ng pasensya na sundan ang trend habang nangyayari ito.

Angat ang position trading bilang estratehiya na nakatutok sa paghawak ng mga position sa loob ng mahabang panahon, mula ilang linggo hanggang ilang taon, para masamantala ang malalaking paggalaw ng presyo. Di tulad ng day o swing trading, binibigyang prayoridad ng position traders ang mas malawak na trends sa market at mga kaakibat na fundamentals, kaysa sa mga panandaliang pagtaas-baba. Nangangailangan ito ng malalim na pag-unawa sa takbo ng market, pasensya, at matinding pagtutok sa fundamental analysis para matukoy ang potensyal na kita sa pangmatagalan. Kadalasang binabale-wala ng position traders ang panandaliang pagtaas-baba para maabot ang mas malaking kita, kaya naman nababagay ang estratehiyang ito sa mga gustong magkaroon ng pangmatagalang investment at may mas mataas na kakayaning risk.

Anuman ang estratehiya na pipiliin mo, mahalaga ang epektibong pamamahala ng risk para sa pangmatagalang tagumpay sa financial markets. Kabilang dito ang paglalagay ng stop-loss orders para limitahan ang potensyal na pagkalugi, pamamahala ng laki ng position para maiwasan ang overexposure, at patuloy na pagsubaybay at pagbabago ng estratehiya batay sa kondisyon ng market. Nakakatulong ang tamang pamamahala ng risk para matahak ng traders ang pagbabago-bago sa market nang hindi isinusugal ang kapital nila.

Ang pagpili ng tamang estratehiya ay depende sa indibidwal na kagustuhan, kakayaning risk, layunin sa pag-i-invest, at oras na ilalaan sa market. Napakabilis man nito tulad ng day trading, o mas pinag-aaralan tulad ng pagsunod sa trend, may naibibigay na naiibang oportunidad at hamon ang bawat isang estratehiya..  

Kailangang magsagawa ang traders ng masusing research, pagsasanay, at pagpapabuti ng mga estratehiya na naaayon sa plano nila sa pag-trade. Mahalaga ang mga demo account at backtesting para magkaroon ng mas malalim na pananaw sa husay ng isang estratehiya sa iba’t-ibang eksena sa market.

Palawakin ang Kaalaman mo sa Pag-trade Kasama ng FXGT.com  
Ang pagsabak sa trading ay nangangailangan ng maaasahang partner na makapagbibigay ng mahusay na kondisyon, advanced na tools, at pag-access sa napakaraming klase ng financial markets. Sa FXGT.com, nakatutok kami sa pagsuporta sa aming traders gamit ang resources na kailangan nila para magtagumpay. Nahihikayat ka man ng bilis ng day trading, madiskarteng galaw ng swing trading, pagiging tumpak ng algorithmic trading, o katatagan ng pagsunod sa trend, makakapagbigay ang FXGT.com ng platform kung saan pwedeng umunlad ang mga estratehiya mo sa pag-trade.

Alamin pa ang potensyal ng 5 sa pinakasikat na estratehiya sa pamamagitan ng pagtuklas sa financial markets katuwang ng FXGT.com. Magbukas ng account sa’min at magsimulang mag-trade para simulan ang landas tungo sa tagumpay.